1992-ci il fevralın 25-dən 26-na keçən gecə Xocalıdan çıxdıq. O vaxt 12 yaşım var idi. İki qardaşım və anamla birlikdə idim. 2 gün heç nə yemədən meşədə qaldıq.
Atəş başladıqda ailəmdən ayrılaraq iki erməni tərəfindən əsir götürüldüm. Məni Ağbulaq adlanan yerə apardılar. Orda amansızcasına döyüldüm, 24 saat sonra azadlığa buraxıldım. Çox qorxmuşdum, hədsiz həyəcanlı idim. Buna görə də, tez-tez ürək tutması baş verir, əsəb xəstəliyindən əziyyət çəkirəm, hərəkətlərimi idarə edə bilmirəm.
